آئی سی سی ورلڈ کپ2023، پاکستان کا ممبئی میں نہ کھیلنے کا فیصلہ

آئی سی سی کرکٹ ورلڈ کپ میں پاکستان کرکٹ ٹیم ممبئی کا سفر نہیں کرے گی اور اس حوالے سے آئی سی سی کو آگاہ کردیا گیا ہے۔

 جیو نیوز کے مطابق بھارت میں رواں برس اکتوبر میں ہونے والے  ون ڈے ورلڈ کپ میں پاکستان کرکٹ ٹیم ممبئی سفر نہیں کرے گی، پی سی بی نے اس حوالے سے  آئی سی سی کو آگاہ کر دیا ہے۔ پی سی بی نے آئی سی سی کو  بتا دیا ہے کہ ممبئی پاکستان کیلئے محفوظ نہیں ہے، ورلڈ کپ سیمی فائنل کیلئے کولکتہ اور ممبئی وینیوز ہیں، پاکستان اوربھارت کے سیمی فائنل میں ٹکراؤ کی صورت میں کولکتہ میں میچ کرایا جائے۔